Ffordd gyflymach a rhatach o deithio o gwmpas y campws a’r ddinas!
Mae Beiciau Prifysgol Abertawe’n darparu dull fforddiadwy, egnïol a chynaliadwy i chi deithio i’r dosbarth, i’r gwaith neu i gaffi. Rydym yn cynnig gostyngiad ar logi beiciau i staff a myfyrwyr – darllenwch yr wybodaeth isod.
Lawrlwythwch yr ap nextbike nawr
Cliciwch isod i ddod o hyd i’ch cynnig:
Sicrhewch eich cyfradd flynyddol ostyngol
Mae gan fyfyrwyr a staff Prifysgol Abertawe fynediad at aelodaeth flynyddol am bris gostyngol sy’n caniatáu i chi logi beiciau safonol am 30 munud nifer diderfyn o weithiau.
- Cofrestrwch gan ddefnyddio’ch cyfeiriad e-bost @abertawe.ac.uk a dilysu eich e-bost. Caiff yr aelodaeth ei hychwanegu’n awtomatig unwaith eich bod chi wedi dilysu eich e-bost.
- Llenwch eich manylion talu. Mae angen blaendal £5. Defnyddir y blaendal hwn i wirio eich gwybodaeth a bydd yn arddangos fel credyd yn eich cyfrif. Sylwer: NI dderbynnir cardiau rhagdaledig.
- Gallwch chi archebu cyfradd flynyddol ostyngol, ‘Beiciau Campws Prifsygol Abertawe’ nawr am £10
- Rydych chi’n barod!
Amodau'r gyfradd flynyddol ostyngol
Am £10 y flwyddyn yn unig, bydd y 30 munud cyntaf yn cael eu cynnwys bob tro y byddwch chi’n llogi beic.
Ar gyfer pob 20 munud yn ychwanegol, codir tâl o 50c. Bydd uchafswm dyddiol o £5 y dydd (cyfnod o 24 awr) ar gyfer llogi beic.
Sylwer bod y gyfradd yn berthnasol i’r beic cyntaf os caiff dau feic eu llogi ar yr un pryd.
Rhagor o resymau i feicio
Mae cannoedd o feiciau ar stepen eich drws!
Mae gan ein cynlluniau feiciau a gorsafoedd ledled y campws a’r ddinas. Rhentwch a beicio’n syth i’ch hoff siop lyfrau neu gaffi. Does dim rhaid i chi deithio rhan o’r ffordd ar y bws.
Mae’n hawdd, yn hwyl ac yn gynaliadwy
Mae beicio’n rhatach ond, ar ben hynny, mae’n well i’ch iechyd a’r amgylchedd. Dewch o hyd i un o orsafoedd Beiciau Prifysgol Abertawe sy’n agos atoch chi ar fap yr ap nextbike, sganio hwn a mwynhau’r awyr agored a thaith heb betrol!
Arbedwch arian i’w wario ar yr hyn sy’n bwysig
Ni waeth a ydych chi’n teithio i weld ffrindiau neu deulu, neu’n mynd i’r llyfrgell neu’r clwb, gallwch chi gyrraedd am lai o arian ar feic cynllun Beiciau Prifysgol Abertawe. Mae cyfraddau safonol yn dechrau ar £2 am 20 munud ond gall llawer o fyfyrwyr a staff gael buddion hyd yn oed yn well megis y canlynol:
- Llogi beic am ddim nifer diderfyn o weithiau
- Llogi beic am 24 awr am £5 yn unig
- 50% oddi ar bris yr aelodaeth – neu am ddim os yw eich ysgol yn gymwys!